Filipe Kutinjo

Filipe Kutinjo će se vratiti ovog ljeta u Barselonu nakon što mu istekne pozajmica u Bajernu.

Kutinjo je u katalonski klub stigao kao ogromno pojačanje iz Liverpula početkom 2018. godine za čak 160 miliona eura, ali nije uspio da opravda očekivanja na Kamp Nou.

Barselona ga je prošlog ljeta poslala na pozajmicu u Bajern u nadi da će oni otkupiti njegov ugovor. No, Kutinjo nije baš blistao ni u minhenskom klubu u kojem su odlučili da neće otkupiti njegov ugovor za 120 miliona eura.

Tako će se Brazilac sigurno vratiti u Barselonu ovog ljeta, a katalonski klub želi da ga se što prije riješi. Kutinjo se povezivao s nekoliko klubova, a najviše su to bili Čelsi i PSŽ.

No, Mundo Deportivo danas piše da bi on čak mogao da završi u Mančester Sitiju. Navodno, Pep Gvardiola je izrazio želju da Kutinjo dođe na Etihad što bi i za Barselonu mogao biti odličan rasplet situacije.

Blaugrana bi tako uspjela brzo da proda Kutinja i da zarade najmanje 80 miliona eura koja će uložiti u dovođenje Lautara Martineza ili Nejmara.