Favoriti ostvarili pobjede
Foto: Norwich
U 41. kolu Čempionšipa, favoriti su ostvarili pobjede i samo Reding od prvih sedam ekipa nije upisao pobjedu.
Ekipa Veljka Paunovića još sinoć je poražena od Votforda sa 2-0 te je nakon današnjih rezultata pala na sedmo mjesto.
Lider na tabeli, ekipa Noriča, napravio je veliki korak ka Premijer ligi. Naime, Norič je gostovao ekipi Derbija. Norič je na ''Prajd Parku'' slavio sa 1-0. Jedini pogodak u 21. minuti, postigao je Kiron Dauvel.
Do ubjedljive pobjede došao je Brentford. Ekipa Tomasa Franka, savladala je Preston sa 5-0 i to na gostujućem terenu. Mbuemo i Fors pogađali su u prvom poluvremenu dok su u nastavku pogađali Toni, Kanjos i Markondes.
Svonsi je savladao Milvol u gostima sa 3-0. Mrežu 'Milvola načeo je Aju a potom je Lov dva puta pogodio za konačan rezultat. Do pobjede je došao i Barnsli. Barnsli je sa 2-0 savladao Midlzbro a golove su postigli Movat i Dajk.
Nakon ovog kola, Bormut je u plej of zoni. Oni su savladali Koventri sa 4-1 te su preskočili Reding na tabeli. Poveli su golom Danjume da bi Džejms pogodio za 1-1. Do kraja prvog poluvremena ''Trešnjice'' su ponovo povele i to novim golom Danjume. U nastavku, Bruks i Solanke postavili su konačan rezultat.
